Գաելերեն լեզվով A'bunadh նշանակում է «օրիգինալ»: Այն արտադրվում է Aberlour-ի հիմնադիր Ջեյմս Ֆլեմինգի պատվին: Սկզբից մինչև վերջ A'bunadh-ը պատրաստվում է ձեռքով՝ ստեղծելով խոնավ չամիչի և տանը պատրաստած մրգային խմորեղենի հարուստ և բարդ համադրություն: Այն շշալցվում է տակառային թնդությամբ:
Գույնը՝ մուգ ոսկեգույն:
Բույրը՝ Օլորոսո խերեսի հարուստ, խիտ նրբերանգի հետ ներդաշնակորեն համադրվող զանազան համեմունքներ, պրալինի և համեմված նարնջի բույր:
Համը՝ նարնջի, սև կեռասի, չորամրգերի և կոճապղպեղի համը միահյուսվում է մուգ և դառը շոկոլադի, խերեսի ու կաղնեփայտի նրբերանգների հետ. այն թունդ է և միևնույն ժամանակ նուրբ:
Հետհամային զգացողություն՝ ուժեղ և ինտենսիվ, էկզոտիկ համեմունքների, դառը շոկոլադի և կաղնեփայտի դառնա-քաղցրավուն նրբերանգով: